Pharetza Damon, di e departamento di Salud y Medio Ambiente di Corsou, ta forma parti di e programa cu ta bay wordo implimenta pa otro luna na scol cu ta hiba como meta di educacion sexual y no informacion sexual. Tin tres aña cu ta bezig y cu un curason contento, ta bisa cu e ta echt gradicido cu por duna un sosten pa asina nos hobennan, nos muchanan cu ta crece por tuma un decision responsabel, pa loketa nan bida sexual.
Tin cu pone bon cla cu educacion sexual, cu no ta bay siña ningun hoben pa bay tene relacion sexual. Ora cu tin bon informacion, bo por tuma bon decision y conhuntamente cu mayornan, por logra exitonan grandi. Pesey mayornan, locual cu e muchanan ta bay haya na scol, ta simplemente informacionnan corecto, pa ora nan bira adultonan responsabel, nan por tuma decisionnan responsabel y asina hiba un desaroyo sexual saludabel. No ta intencion pa bay siña e muchanan pa bay tene relacion sexual.
Ta bezig cu un lista di encuesta, cu ta basa riba preguntanan personal entre otro ki sexo bo ta, ki edad bo tin. Despues ta bay para keto na unda nan ta haya informacionnan, por ehempel ora nan ta sinti nan mes enamora, of si nan ta tene relacion caba. Tambe ta haci pregunta tocante di conocemento di curpa, cu tin cu bisa ainda, cu no a verwerk e lista di pregunta, ya ta mira caba cu e muchanan mester di hopi yudansa, pa loke ta conocemento di bo propio curpa. Na momento cu bo conoce bo propio curpa y sa con e ta funciona, e ta agrega un balor inmensamente grandi y no lo permiti un hende mishi na bo curpa, sin cu abo permiti esaki. Kiermen ta premira caba cu tin trabaonan grandi pa haci y hunto cu tur e otronan coleganan di Wit Gele Kruis y SKOA, lo logra esaki sigur, segun Damon.
- Latest
