Aruba tin 13 mi mucha cu tin cu studia. Den punto di bista di Procurador General Alexander van Dam, mester bay haci algo pa wak si tur ta bay scol y si esnan cu no ta bay scol, pa wak con ta hinca esaki den otro.
E ta haya cu hubentud ta importante. Manera ya menciona, Aruba tin 13 mil mucha. Afortunadamente mayoria di nan ta bay scol pa siña un vak. Pero tambe tin cu wak riba ehecucion di e ley di enseñansa obligatorio. Si muchanan no bay scol, e por ta un señal y nan ta bay hang, nan ta bay haci cosnan y ferfela nan mes. Ta bon si por bay wak con pa por hinca esey den otro cu e muchanan por keda scol y cu e mayornan percura pa nan bay scol. Si nan ta na cas, puntra nan dicon nan no ta bay scol.
PG a sigui splica cu hubentud ta importante, pasobra por haci algo pa nan ainda, formanan.
Na Aruba tin un plataforma, caminda cu tin algun organisacion entre otro OM, Voogdijraad, Sociale Zaken, Reclassering, Ministerio di Husticia y ta papia pa percura pa tin un coherencia social den sociedad.
Arubianonan ta hopi orguyoso y si e organisacionnan papia di e comunidad, e ora e ta bon pa e hendenan. PG lo bay haci uzo di e plataforma aki pa bin na un tipo di cas di siguridad. Na Hulanda nan tin un luga, sea virtual of fisico, caminda cu personanan di diferente servicio of departamento ta bin hunto pa asina papia hunto riba diferente caso cu por aparece den hubentud. Asina por yuda ainda, pa asina pone den e direccion corecto prome cu cosnan pio por sosode. Hunto tin cu traha hunto den esaki pa asina un guia un persona asina y pone riba e bon caminda. Na final ta e meta no ta pa hinca hende den prizon. Si nan wordo cera y finalmente mester sali, e ora por haya un meta pa existi y haya un patronchi di comportacion pa asina nan por haya un trabao, PG a comenta,