Procurador-General di Aruba, mr. Alexander van Dam ta aplaudi e instalacion di Bureau Integriteit. Na comienso di e siman aki premier di Aruba, mr. Evelyn Wever-Croes a anuncia cu e Bureau Integriteit lo cuminsa traha riba prome di october venidero.
Banda di esaki, gobierno ta trahando na lanta un asina yama Integriteitskamer. E Oficina di Integridad lo bira tambe un punto central pa meld violacionnan di integridad. Procurador-General tabata envolvi activamente den e lantamento di e Bureau Integriteit.
El a enfatisa desde comienso di su periodo na Aruba cu integridad riba tur nivel di gobierno ta masha importante pa desaroyo di Pais Aruba. Su envolvimento den e oficina ta subraya esaki un biaha mas.