Un di e cosnan cu Procurador General nobo di Aruba, Alexander van Dam a ripara cu tin na Aruba ta hopi caso di arma cu mester haya atencion. E ta splica mas riba su punto di bista encuanto e desaroyonan cu ta pasando den e mundo di arma.
PG ta lesa corant tur dia y e por wak kico ta pasando. Un di e cosnan cu el a wordo puntra, kico e ta pensa riba negoshi di arma ilegal y tambe riba caso di Wayaca, caminda cu un dama a wordo tira mata. Ta hechonan hopi serio y e ta haya cu integralmente mester preveni cu arma mester drenta. Esey ta wordo hopi facil bisa, pasobra via avion e no ta drenta. Esey ta sigur. Pa suerte cu nos no ta bibando den un estado policial, el a splica, pero si mester mira bon, pasobra negoshi di arma no solamente ta e importacion pa Aruba, pero e demanda di hende, pakico hende kier droga. Si hende no kier arma, e ora no tin mercado pe. Mescos ta bay pa droga. Mester bay wak bon riba e mercado aki. Pasobra detencion y encarcelacion, no ta caba cun’e. E ora e si por bay perde e lucha. Tin cu haci algo den e parti preventivo y mustra hende riba e riesgonan di droga y tambe di arma. Ora cu tin arma na cas, mustra cu bo mester ta prepara pasobra otro tambe por bin cu arma. Esey por hiba na un spiral den violencia cu tur hende kier cana cu arma.
Segun PG arma ta pertenece na Gobierno, na Polis, na autoridad, na ningun hende mas, segun PG Alexander van Dam.