NIEUW-BUINEN, Hulanda – Un peuter di tres aña a wordo ataca pa cuater cacho cu a huy den e pueblo na Drente di Nieuw-Buinen. E mucha a wordo mordi pa varios rottweiler y cu su curpa yena cu mordinan grave, el a wordo hiba hospital. Durante e atake cuater cacho a keda envolvi. Mientras tanto nan a pone nan drumi.
E atake a tuma luga den cura di un cas den vecindario di un cas di un criado di cacho. E bestianan a huy for di nan cas y a bula cura. Testigonan a kita e cachonan for di e mucha chikito.
Na e momento di e drama tabata tin mas mucha cu tabata hunga den e cura, pero solamente e mucha homber particular aki a wordo ataca. Tur e otro muchanan a wak, pero door di spanto nan a core bay.
Dos otro cacho di e doño cu no tabata envolvi den e incidente, pa siguridad a wordo hiba na un asiel pa un investigacion di comportacion. Esey lo mester mustra kico lo bay pasa cu nan, segun polis.
E incidente a pasa na final di merdia riba Sportlaan.
Fuente: De Telegraaf