MERCA – Petroleo a retrocede pa di cinco siman despues di cay den un mercado cu a baha debi na e preocupacion di e aumento di e produccion for di Merca pa Libia, lo a compensa e recortenan di OPEP y su aliadonan.
A recupera algo di e tereno perdi diabierna, pero a cera cu un caida di casi un 4% durante e siman. E produccion di crudo di Merca ta expandiendo a medida cu e perforadoran di Shale ta sigui añadiendo plataforma, Libia ta extrayendo e mayor cantidad den cuater aña y e petroleo almacena den tankeronan a aumenta na un maximo di 2017 na principio di e luna aki. Un comite encarga di supervisa e cumplimento di e acuerdo lidera pa OPEP a duna atencion superficial na e posibilidad di profundisa e recortenan existente, segun e delegadonan familiarisa cu e reunion di e siman aki.
“E ta convirtiendo den un mania. Mi ta kere cu e ta exagerando. Si e sigui baha, nos no por bay agrega plataforma den algun luna, nos no ta bay aumenta e produccion,” Phil Flynn, analista di e mercado senior di Price Futures Group Inc. na Chicago, a bisa.
Petroleo na New York y London a cay den un mercado cu a baha di e siman aki pa preocupacionnan cu e expansion di e oferta mundial ta contraresta e reduccionnan di e Organisacion di Paisnan Exportador di Petroleo y su asociadonan, incluyendo Rusia. E perforadornan di Shale ta agrega e plataformanan petrolero pa di 23 siman consecutivo, un record, den tanto un creciente serie di e posnan sin caba – y e crudo cu ta flui di e proyectonan ey – ta menasa cu aument e sobreoferta mundial.
E crudo West Texas Intermediate pa entrega na Augustus a cera na $43.01 pa bari, un alsa di 27 cen, den e Bolsa Mercantil di New York. E prijs a cay un 21% desde su maximo na Februari. Un mercado cu a baha ta defini como un caida di por lo menos un 20%.
E crudo Brent pa Augustus a cera na $45,54 pa bari den e bolsa ICE Futures Europe, cu sede na London, tras di subi 32 cen. Crudo di referencia mundial a negosha cu un prima di $2,53 frente WTI.
E prodduccion di petroleo di Merca a aumenta 20 mil bari diario siman pasa na 9,35 miyon, e Administracion di Informacion di Energia a informa diaranson. Si ta bon, e existencianan di crudo a cay den 2,45 miyon di bari pa 509,1 miyon, un disminucion mas pronuncia di lo premira den un encuesta di Bloomberg, e inventarionan ta sigui 100 miyon di bari riba e promedio di cinco aña.
“Ta hopi dificil mira den ki momento por alcansa e obhetivo original di e acuerdo aki OPEP/no OPEP,” Thomas Finlon, director di Energy Analytics Group LLC na Wellington, Florida, a bisa via telefon. “E meta aki ta cada biaha mas leu.”
Fuente: www.elespectador.com