E empresa estatal Brazilero Petroleo Brasileiro S.A. (Petrobras) diahuebs a anuncia cu el a yega na un acuerdo cu autoridadnan Mericano pa nan cera tur e investigacionnan di casonan di corupcion na cual e compania a hay’ e confronta cun’e.
E empresa lo asigna 853,2 miyon dollar di su ganashi di e di tres trimester pa paa ariba e acuerdo cu nan a yega cu e Departamento di Husticia di Merca y cu e Comision di Bolsa y Balornan, segun Reuters.
Door cu Petrobras ya caba a yega na un acuerdo cu e accionistanan minoritario, e ta keda liber pa sigui cu su operacionnan na Merca, desde diahuebs, segun O Globo ta informa.