Den e panorama ya complica despues di e declaracion presidencial di desaster natural nacional na Colombia pa candela, temperatura record y secura, den e escenario politico tambe e vlamnan a propaga.
Diamars 23, den un rueda di prensa, presidente Gustavo Petro a afirma for di e municipio Tumaco (Nariño) cu “awe e candelanan ta mas hopi cu ayera, y ayera mas hopi cu antayera. Nos ta bay tin un etapa cada biaha mas duro,” pa cual no ta existi un perspectiva cu e situacion aki cambia te na final di maart, cu e awasero lo cuminsa.
“Esaki ta haci cu nos mester desplega cada biaha mayor forsa pa mitiga e crisis,” e mandatario a afirma, cu a reitera cu a wordo activa “tur e protocolnan pa bay busca ayudo internacional.”
Pa awo, Canada, Chile, Merca y Peru a atende e yamada, mientras cu ta spera cu Nacionnan Uni y Union Europa ta haci lo corecto.
Petro a indica cu “practicamente” a uza tur e capacidad fisico di e estado pa atende e tipo di situacion aki, loke ta traduci den “mas di 600 hende entrena pa paga candela riba tereno.”
Fuera di esey, a haya 31 avion den funcionamento den henter e pais. Esaki ta envolve, segun el a afirma, e “e operacion di emergencia di helicopter mas grandi di Colombia.”
Trintiun candela activo
E mandatario a informa cu e cantidad di candela activo ta di 31, loke ta nifica un aumento encuanto e 25 candela di e dia pasa, ora cu a controla nuebe, segun rapport di Unidad Nacional pa Maneho di Riesgo di Desaster (UNGRD).
Di e 25 candela, registra pa UNGRD, 12 di nan na CCundinamarca, 4 na Boyaca, 2 na Antioquia, 2 na Norte de Santander, 2 na Bogota, 1 na Cesar, 1 na La Guajira y 1 na Santander.
Segun e organismo maximo di maneho di riesgo, 174 municipio di e pais ta wordo afecta.
Online a comparti e imagennan di e daño causa p’e vlamnan riba e sabana di Santurban, caminda e candela ta controla cu 95%. E luga aki ta di sumo importancia p’e pais pasobra ta provee awa p’e habitantenan di e zona y ta un gran captador di carbon, pa loke ta mitiga e cambio climatico.
Di igual manera, na Bogota, segun e alcalde, Carlos Fernando Galan, a informa, despues di 72 ora di combate di e vlamnan, ainda tin tres candela activo.
E candela a afecta e calidad di aire den e region di Cundinamarca, unda cu e capital ta ubica, manera cu por a observa e imagennan comparti online.
Na Boyaca, caminda cu tambe tin candela activo, e ekiponan di rescate a rekeri helicopter specialisa cu saco di awa pa yuda e extincion.
Denuncia y captura door di candela provoca
Mas leu di e efectonan cu e vlamnan a causa, paralelamente a biba e candela politico entre e sectornan opositor cu ta culpa e gobierno di no a atende e cuerponan di rescate, loke lo obstaculisa su trabao.
Di un otro banda, varios senador a publica online, e video y e informacionnan riba e origen di candela, cu na Colombia, segun e Ministerio di e Ambiente, sa ta 95% causa p’ accion humano.
Memey di e situacion aki ta di desaster natural, e medionan tambe a reporta detention di persona cu a provoca e candela na diferente sector neuralgico.
E senador di e Pacto Historico Maria Jose Pizarro, a publica un video caminda cu por a observa e registro haci pa un camara di siguridad caminda cu a observa un persona provoca un candela na Santander.
Riba e mesun liña, David Racero, ex-presidente di Camara di Representante, ta esun cu a asevera cu “man criminal ta produciendo candela na Bogota y varios zona di Colombia.”
Di su parti, e comandante di Polis di Cundinamarca, Andres Serna Bastamente, a informa cu a detene un persona cu a wordo sorprendi n’e momento di cuminsa un candela den e coregimento El Cambao, den e municipio di San Juan de Rioseco.
N’e luga ya a consumi mas di 50 meter di zona di mondi, el a agrega. E polemica riba e recursonan p’e bomberonan.
