Petit Comite a haci entrega di un cuadra na Altocomisario di Polis

Diahuebs mainta e Petit Comite di e Plan Nacional cu ta atende cu e problematica di cacho riba caya, a haci entrega di un di e cuadranan ganador di nan concurso cu a tuma lugar aña pasa den luna di augustus. Representante di e Petit Comite a haci entrega na altocomisario di polis sr Andrew Hoo . Sr Hoo a aprecia esaki masha hopi mes y a sigura cu e lo haya un lugar special na warda di polis na Santa Cruz.
E concurso aki tabata basa ariba e creatividad di alumnonan di scol basico, cu a ilustra un of algun di e puntonan di e ley di cacho. Esnan cu a participa por a scoge den tres tema pa ilustra, esta (1) cacho den cura, (2) cacho na “leash” of (3) cacho na veterinario.
Petiti Comite a ricibi 409 pintura di 29 diferente scol unda por a admira hopi talento den nos muchanan.
Altocomisario sra Hoo a keda sorprendi di e talento y imaginacion di nos muchanan. Un palabra di danki na sra Irene Croes y sra Dellanire Maduro di e Petit Comite pa cu e gesto bunita aki.

Comments

comments