E famia aki tin tres pa cuater siman caba ta colectando placa pa e hoben Shady por bay Hulanda pa tratamento medico. Su mama, Jedina Romero, ta bisa cu despues di hiba un dialogo mas amplio cu AZV, a bin compronde cu e caso di Shady ta wordo categorisa manera un ‘bijzondere uitzending’ cual ta rekeri un suma di 15,000 euro. Shadieska, cariñosamente yama Shady, ta sufri di Autoimmune Desease cual ta un enfermedad hopi complica cu Aruba no ta conoce. E ta sufri di bloedstollingziekte cu por sangra pa oranan largo sin stop cu consecuencia cu e ta sufri awor di anemia tambe.
E famia y amigonan di famia ta sigui cu nan dianan di colecta unda awor nan ta mita caminda. Shady ta sigui malo cu hopi dolor, hopi sangramento, perdida di mas djente, mood swing y sufriendo di depresion.
https://www.facebook.com/masnoticia/videos/671102003535160/
Nan ta na 16,000 florin actualmente pa motibo cu awasero a stroba nan dos fin di siman cu nan no por a para bay colecta. Despues cu nan presenta na AZV e balans cu nan tin,e ora AZV nan lo evalua medicamente con lihe e caso mester bay, y asina e ta tuma un procedura di mas o menos seis siman pa nan evalua. E meta ta pa Shady yega prome cu December Hulanda pa nan sikiera cuminsa trat’e.
Shady ta bayendo riba tres aña tumando 27 pildo pa dia, y no tin mehoracion.
Diasabra mainta 10 di october lo para na st. Cruz banda di botica cerca di mc donalds, y despues parti atardi nan lo para bek dilanti e caminda di bestuurskantoor pa colecta. Si un hende kier haci un donacion cerca nan y kier tuma contacto por haci esaki via 741 7417, cual ta number di telefon di sra. Jedina Romero mes.
Por haci donacion tambe via Online Banking riba e number di 62004708, CMB, riba nomber di Jedina Romero.