LIMA, Peru.- Gobierno di Peru a declara awe den emergencia durante 60 dia tres region nort di e pais pa e inundacionnan registra den e ultimo dianan y na 47 di e 56 municipionan cu ta compone di e region Amazonico di Loreto pa e riesgo di awasero fuerte den e proximo simannan.
Un decreto publica awe dne e corant oficial “El Peruano” a indica cu e medida di excepcion ta abaraca e departamentonan di Tumbes, Piura y Lambayeque, unda te awor aki a registra dos fayecido, casi 1000 daminificado y mas di 5000 afectado, Efe a informa.
E documento a ordena diferente sector y organismo di e Estado ehecuta e medida y accionnan di excepcion inmediato y necesari pa drecha e dañonan cu a tuma luga na vivienda, servicionan basico y infrastructura.
E medida ya a wordo anuncia diahuebs pa e presidente di Peru, Pedro Pablo Kuczynski, durante un bishita na e municipionan afecta den Lambayeque.
E Servicio Nacional di Meteorologia y Hidrologia (Senamhi), a adverti e anochi di diahuebs, cu e riu Tumbes, cu ta pasa den e ciudad di Tumbes, capital di e himonimo region, ta sigui aumenta door di e awasero persistente cu ta cay den e zonanan halto di e frontera entre Peru y Ecuador.
E precipitacionnan, causante di e inundacionnan, ta sigui den e proximo oranan cu un intensidad entre modera y fuerte, loke ta sigui aumenta e nivel di e riunan di forma significativo, segun pronosticonan meteorologico.
E situacion aki por causa deslisamento y coremento di tera den kebradanan seco, conoci na Peru cu e termino Quechua di “huaico.”
Otro decreto tambe a declara den emergencia na e mayor parti di e teritorio di e departmento selvatico di Loreto, situa noordoost di Peru, como medida preventivo pa por manda ayudo di manera mas rapido den eventual inundacionnan cu por sosode den e proximo simannan.
E districtonan cu tin cu atene na e medidanan ta Barranca, Pastaza, Morona, Andoas, Cahuapanas, Manseriche, Yurimaguas, Teniente Cesar Lopez Rojas, Balsapuerto, Lagunas, Jeberos, Santa Cruz, nauta, Trompeteros, Urarinas, Parinari, Tigre, Requena, Maquia, Saquena, Emilio San Martin, Puinahaua, Capelo, Jenaro Herrera y Alto Tapiche.
Tambe Soplin, Tapiche, Las Amazonas, Iquitos, Punchana, San Juan Bautista, Belen, Indiana, Mazan, Alto Nanay, Napo, Fernando Lores, Sarayacu, Pampa Hermosa, Vargar Guerra, Contamana, Inahuaya, Padre Marquez, Ramon Castilla, Pebas, San Pablo y Yavari.
Fuente: El Universal