WASHINGTON, D.C., Merca- E decision di Presidente Donald Trump pa no laga personanan transgenero forma parti di e milicia Mericano. E decision aki a wordo tuma despues cu Trump a reuni cu su conseheronan di siguridad. White House hunto cu Pentagono lo bay traha ariba un plan pa e decision aki sea uno huridico.
“Mi por imagina cu Departamento di Defensa lo ta na cabes di esaki”, segun vocero di White House Sarah Sanders. E minister responsabel pa e milicia Mericano James Mattis a wordo poni na altura di e decision di Trump pa no laga personanan transgenero sirbi den bida militar activo di Merca.
Si esaki lo tin consecuencianan pa e tropanan militar cu a wordo desplega pa Afganistan, no ta algo cu Sanders tabata tin un contesta ariba dje.
Fuente: http://www.anp.nl