Dialuna merdia algun persona a capta con un homber a golpia un dama formalmente dilanti botica na Paradera na e parkeerplaats y a hinca e persona den un auto geel, di biaha a mobilisa polisnan cu urgencia.
Na yegada di patruya ta topa cu varios persona pafo di un auto geel y di biaha a busca informacion kico lo por a pasa. A constata cu di berdad a surgi un problema unda un homber a maltrata un dama, y e sospechoso lo a bay. Polis a combersa cu tur hende y tuma dato di e caso, a bay papia cu testigonan pa saca afo kico nan tambe lo por a mira.