Diamars den careda di 9:30 anochi e sistema di siguridad di Nv Elmar a activa di biaha na e oficina principal indicando cu areanan di Sabana Blanco, Camacuri, Wayaca y bisindario ta sin coriente y e fayo lo ta den un di e transformatorhuisnan cu tin rond.
Posibel presion di mas voltahe durante cierto schakkelnan cu a tuma luga den simannan y luna tras di lomba ta poniendo cu algun di e transformatorhuisnan aki ta overload y ta bula cierto componentenan y causa kortsluiting. Personalnan di Elmar a presenta na e transformatorhuis na Sabana Berde pariba di Do it center na Camacuri y haci un inspeccion completo y lo a topa cu e posibel fayo. A traha lo mas pronto posibel y cordinando unda otro caminda por schakkel pa asina suministra e coriente bek pa e barionna afecta.
