Algun dia pasa a sosode un atraco riba un empleado di Douane, cu a sosode den e parkinglot di Aeropuerto. A base di esey, personal di imigracion a drenta den accion, hunto cu esnan di Douane, pa nan por vocifera nan repudio pa esaki di loke a pasa y wak si por haya oportunidad pa intermediacion di e minister pa asina por pidi AAA pa haya un luga di para hasta bao di afdak, esaki ta segun sr. Vrolijk di STA.
E accion aki tabata pa 2 ora, manera ta prescribi pa ley. Tambe djis pa manda un mensahe pa mandatarionan, pa nan mira e gravedad di e situacion di aeropuerto.
No ta tur operacion ta para na aeropuerto. Tin di compronde cu grens politie y algun otro funcionario ta sigui cu nan trabao.
Segun Vrolijk, probablemente siguridad lo bay wordo aumenta, despues cu 12’or cu e lo a pasa. Na e momento ey lo no tabata tin un hende disponibel. Despues cu esaki a pasa, pa preveni den futuro, lo bay tin mas hende disponibel.
Un mensahe cu kier manda pa minister ta, pa nan intermedia den e asunto aki. E hendenan aki ta traha pa aeropuerto, nan ta brinda servicio na aeropuerto y nan tambe mester di proteccion, mescos cu tur otro hende cu ta traha na aeropuerto.