Ta importante pa mantene e conscientisacion riba e importancia riba nos Departamento di Ambulance anto den reconocemento ta bin cu e celebracion di e siman di AMS unda cu diferente actividadnan ta bay tuma luga. Sr. Carlos Peterson ta splica mas di e siman di ambulance
Tur aña esaki ta tuma luga ora e trabou ta duna espacio tambe, y diamars anochi a cuminsa un seso sport cu e personal di Ambulance. Nan mes a percura di crea un ambiente familiar un rato.
Tambe tin un programacion unda cu e team ta bay na e medionan di comunicacion y radio emisora pa trece informacion y conscientisa e comunidad riba kico ta nan trabou y responsabilidad y por tin un miho comunicacion pa haya un respons ora un incidente a tuma luga.
Comunicacion cu comunidad ta bay hopi bon y semper tin espacio pa mehora y ainda nan no ta consciente cu tin cambio unda cu antes por ehempel ora lo tabata yega na un adres tuma e pashent y sali bay hospital. Awendia nan ta asina leu cu na momento cu nan a yega di biaha ta cuminsa aplica tur e tratamento caminda cu nan tin tur e remedi y aparatonan pa stabilisa e pashent anto despues transporta na hospital.
Hopi biaha e famia tin pura pa move y bay e pashent siendo cu awendia por duna e asistencia medico den e mesun ambulance. E ambulance ta funciona actualmente manera un clinica ambulatorio of mobil.
Esaki ta e unico actividad di entretenimento cu ta tuma luga te awor aki anto intencion ta pa tur aña sigui expande cu mas actividad y manera cu e la pasa ta cuminsa planea pa 2019 pa wak con e schedule ta permiti pa organisa mas cu un actividad cu personal y cu comunidad tambe.
Nunca a wordo poni un dia specifico riba dia di ambulance pero semper ta celebra un siman di ambulance pa crea consciencia di e trabou di ambulance y kico ta nan importancia den comunidad. Por ehempel mester zorg pa e pashent tin su carchi valido di AZV y un lista de remedinan cu ta hopi importante pa wak cua ta e remedi cu e por bebe y ta spaar tempo tambe pa por yuda e pashent.