KINGSTON, Jamaica – Violet Moss-Brown, pa hopi ta conoci di ta e persona mas bieu riba e planeta, a fayece diabierna, na edad di 117 aña na Montego Bay, Jamaica. Esaki ta segun e prome minister Jamaiquino, Andrew Holness, diasabra via Twitter.
Moss-Brown a nace dia 10 di Maart 1900 na Jamaica. E ta sigui e Italiana Emma Morano como esun di mas bieu na mundo. Morano a fayece riba dia 15 di April di e aña aki, tambe na edad di 117 aña. El a nace dia 29 di November 1899.
Segun su yiu homber di 96 aña, un di su secretonan pa su longetividad ta pa no come dos tipo di carni: galiña y porco. Si e tabata namora di pisca, carni di carne y pia di baca. Tambe e tabata gusta come batata dushi, mango y appelsina, segun The Daily Star.
No ta conoci kende awo ta esun di mas bieu di mundo.
Fuente: www.anp.nl