Dialuna algun minuut pasa di 8 or personanan na un compleho di apartamento a lanta y topa cu un persona boca ariba den fondo di pool no ta move, y a bati alarma na autoridad.
Di biaha dos unidad di ambulance a presenta ne sitio pa cuminsa cu reanimacion pero tabata invano na e manera con a haya e curpa y a pidi yudansa di brandweer pa saca e curpa sin bida. Di biaha a notifica dokter, polis tambe tabata n’e sitio y a notifica pa recherche presenta pa start cu investigacion. Departamento forensico tabata ne sitio pa saca tur evidencia y despues bomberonan a saca e curpa sin bida fo’i den e pool. Na final cu a saca e curpa e dokter di Polis a haci e trabounan necesario ne sitio y constata morto di e turista Colombiano di 50 aña.
