Asistencia di polis ta wordo pidi na Emmastraat (Fundacion Pa Nos Comunidad) pa un caso di hortamento. Na e sitio, trahadonan di dicho fundacion ta declara cu’n adicto ambulante a bin eynan, pa exigi placa. Dado momento e adicto ambulante a pasa man pa un detergente pa laba paña y bay cun’e. Un boluntario di e FPNC a bay tras di e adicto ambulante y a logra bin bek cu e detergente. Segun descripcion duna door di e boluntarionan na FPNC, e adicto ambulante tabata midi 1.70, tabata color bruin, cu barba, cabey krul chikito y tabata bisti full na preto (shirt y short). E tabata papia cu’n accent Dominicano.
Polisnan a controla den bisindario pa dicho adicto ambulante, pero no a logra topa cun’e. Central di Polis a wordo poni na altura. Loke a hala basta atencion ta e hecho cu e personal a bisa cu ultimo temponan, nan tin hopi molester di adictonan ambulante.