Patruya di polis ta ricibi un melding di cu na altura di Eagle convenience store lo tabata tin un persona den auto cu tabata tin un arma di candela cun’e. Na caminda pa e luga polisnan ta haya un melding di cu e persona a baha di e auto y a core bay den direccion di Pos Abao. A bay tira un control den e area di Pos Abao, pero no a wak nada y tampoco a haya niun hende.
Un rato despues ta drenta un otro melding di cu e mesun auto aki tabata para na altura di Superfood. A bay reforsa e otro patruya ya cu tabata trata di un arma di candela. Dilanti un cas na Bubali ta bin haya un auto nissan March colo blauw. A reconoce e señora sinta den e auto como e mama di recidivista y conoci di polis R. A bay over na takel e auto aki pa motibo cu e no tabata tin su papelnan na ordo. A pone central di polis y chef van dienst na altura. Despues di esaki a sigui cu controlnan di rutina.