Dialuna anochi den Caya Frere Henricus na Paradijswijk a sosode un caso serio unda un persona a keda tira despues di a menasa autoridad cu cuchiu, tur cos a cuminsa momento cu Polis a bay compaña un señora na su cas pa bay busca su pertenencianan na e caya menciona. E homber tambe a presenta na e cas di e dama como sorpresa y saca cuchiu, polis na varios ocasion a pidie pa bandona e sitio y aki e homber a bin den direccion di e polis cu e cuchui den man y consecuencia a usa e arma reglamentario y a los varios tiro di advertencia y un bala a alcansa e persona.
E sospechoso a keda benta abou riba vloer cu herida na su curpa pero tabata papia y ambulance a presenta di biaha na e sitio pa atende cu e victima. A stabilisa e persona y cu urgencia a keda transporta pa hospital pa haya atencion medico avansa. Recherche, fiscal y hefe di Polis tambe tabata presente.
E homber tira den fin di siman caba a keda deteni pa agredi e dama y tambe na warda a haci un desaster.