Diasabra pasa di 6:30 atardi famianan a bati alarma pa un persona cu problema den awa na Dos Playa di biaha a mobilisa polis cu urgencia. Na yegada di paturya ya e personanan a saca curpa di e homber for di den awa y nan tabata cu reanimacion.
Ambulans a keda solicita cu urgencia debi e caminda pa Dos Playa tabata den mal estado, ambulans a bay na warda di Santa Cruz y aki a subi e helicopter di polis y a aterisa te na e sitio di e rescate. Paramedico di biaha a atende cu e persona pero ya e situacion no tabata bon mas debi cu e lo a guli basta awa mes den lama. Alto Comisario di Polis tabata presente for di trempan y tabata coordina full e situacion.
A pone e curpa sin bida den e helicopter y a bay direccion Tanki Flip unda dokter tabata presente pa constata morto di e homber.