Dialuna atardi patruya di Savaneta ta haye confronta riba caminda di Pos Chikito cu un rav4 cu a pasa varios vehiculo y nan patruya tur cu tin. E oficialnan a sendi nan sirena y duna e chauffeur señal pa para pero a ignora esaki. A start un persecucion pidiendo mas refuerso debi cu ta e famoso chauffeur conoci cu den fin di siman tabatin polisnan man yen y te hasta den TDQ.
A core caminda di Pos Chikito parti patras te cu Barcadera el a drenta caminda di santo y asina baha for di auto y drenta mondi. Bon accion policial a cera full e mondi y a topa cune y a keda deteni.. E auto a keda tuma den beslag, y e homber a keda transporta pa warda di Polis. Pa cuanto dia e ta keda cera atrobe ta desconoci. Mientras cu polisnan ta haci nan maximo esfuerso trece nan bida na peliger pa mayan mes e persona lo ta afo atrobe.
Kico a pasa ultimo dianan
Diasabra pa diadomingo dos auto di polis a keda kibra debi na persecucionnan den fin di siman debi cu e chauffeur tabata haci cierto maniobranan cu polisnan a hayanan ta desvia pa evita desgracia cu otro. Tur auto tabata baha caminda pa e chauffeur masculino di e rav4.
Te hasta el a dal den un auto diasabra atardi na rotonde Mahuma durante cu e tabata huy pa Polis. Diadomingo marduga durante TDQ e chauffeur a cuminsa core pa Polis te cu un patruya a accidenta na Savaneta debi na su maniobranan y asina a sigui core. Banda di 3 or un persecucion grandi riba caminda principal na rotonde Pos Chikito e homber a bula e sero di santo bay halto y e auto a cay riba su cuater wielnan y a sigui su rumbo y perde den Santa Cruz.
Diadomingo mainta a logra di topa cu e auto staciona na Mangel Halto y a detene e homber bay cune warda y e auto, pero lastimamente el a sali bek.