Diasabra den careda di 11:30 anochi patruyanan tabata core tras di un nissan march cu tabata actua sospechoso e chauffeur a nenga señal di autoridad y aki patruya a sigui su tras pidiendo mas patruya.
Coriendo den bario di Dakota pa Tarabana, algun persona a core baha for di e auto y asina a core verboden riba WVB y tuma e rotonde Cumana direccion pabou. Net na entrada di ex codemsa e auto a logra para pa polis. Polisnan di biaha ta baha e chauffeur y holor di marihuana a dal e polisnan.
Rapid team di polis a drenta accion lihe y tambe a yega den e area y a core tras di personanan cu tabata coriendo y a pone man riba uno, durante un control ta haya arma di candela riba e sospechoso cu nan a core nan tras mientras tabatin dos mas a core drenta mondi. Departamento tecnico a presenta na e sitio pa saca potret di e arma di candela y a tuma esaki den beslag. E sospechosonan a keda transporta pa warda di Polis, y e nissan march a keda tuma den beslag.