Diabierna marduga patruya a tuma nota di un auto blanco sospechoso riba L.G Smith Blvd unda no tabatin luz dilanti y ni plachi number. E oficial a bira bay bek tras di e auto aki y a duna e chauffeur un señal pa para. Pero manera e chauffeur a wka luz blauw su tras el a cuminsa trot pa huy pa e Polis, y no a keda nada otro pa e oficialnan persigui e auto cu sirena su tras pero no tabata kier a para y a solicita resfuerso. Asina e auto tabata core iresposabel, riba L.G Smith Blvd subi e rotonde na Wendy’s comete destruccion kibra wiel, pa despues pasa riba Arendstraat, y yega na e rotonde na cas di partido. E chauffeur durante su intento di huy a dal riba dos auto di Polis, pero bon maniobra di e oficialnan a evita pa e autonan policial haya daño grandi y asina a haya daño minimo. A detene e homber, pero el a resisti durante su detencion cuminsa bringa cu e oficialnan, y no a keda nada otro di bay man duro cune y hibe warda.