Diabierna algun minuut pasa di 10’or di anochi patruya a duna chauffeur di un honda accord blanco señal pa para y a nenga y sigui core pa Polis. A sigui tras di e auto y solicita resfuerso. Unidadnan a acudi den e area y banda di club kibrahacha na Piedra Plat caminda pa bay Casibari e chauffeur a perde control baha caminda kibra e auto y baha drenta mondi.
Unidadnan a yega rondona e area y e mondi. Helicopter di polis a duna un man for di halto y tacticanan di polis a logra di detene e sospechoso den e mondi y a keda transporta pa warda di Polis. E auto a keda tuma den beslag.