Diadomingo pa mas o menos 03:00 di madruga un notificacion a drenta encuanto un boto cu lo ta drentando awanan teritorial di Aruba. Pa mas o menos 04:00, despues di un persecucion extenso unda a usa arma reglamentario tambe, e boto a wordo para pa autoridad. Wardacosta a bay cu e boto, sin nomber, cu tres motor, y cu 3 hende homber abordo di nacionalidad Venezolano, rumbo Savaneta pa mas investigacion. Un accion riba lama orkesta door di bon cooperacion entre camber di radar di KPA y Wardacosta cu a resulta cu e boto no a yega tera.