Diasabra mainta na Paradera un toyota yaris a dal basta duro den un otro vehiculo, y no a para y a sigui core bay asina mes cu e vehiculo kibra. Polis di trafico despues di a tuma dato a bay na e cas na Sabana Blanco pa wak si ta topa cu e auto y net e yaris a caba di drenta cura. E chauffeur manera a mira polis a cuminsa core na pia pa e oficial cu un rugtas, y aki a solicita resfuerso. Un rato e homber a cuminsa resisti cu e oficial y despues e sospechoso a drenta cura di casnan di bisiña pa sconde y a drenta mondi. Den tur e persecucion na pia e oficial su so, te hasta un cacho a ataca y morde e oficial na su pia. Pero cu ayudo di mas unidad policial cu a yega basta lihe a logra drenta e mondi unda e sospechoso a drenta y a gare y detene di biaha. E homber tabata bou influencia riba dje. A tuma e auto den beslag full e parti dilanti a keda kibra.