Persecucion formal tras di atracadornan riba joyeria na St Maarten y polis a los varios tiro

Basta huls benta abou banda di un sospechoso morto: Cortesia The Daily Herald

St Maarten Madame Estate: Un ladon a keda tira mata y otro a keda herida diaranson mainta despues di un persecucion formal di parti polisnan tras di ladronnan. E sospechoso riba scooter a dal basta duro den un auto di Polis.

E hombernan aki a comete un atraco na Pavillion Jewelers den careda di 11’or di mainta, despues cu e sospechosonan a bay cu un cantidad di mercancia nan a subi un scooter y bandona e sitio. Polis ta sospecha cu tin mas persona envolvi den e robo.

Riba caminda polis a topa cu e scooter y a persigui e sospechoso y durante e huida e sospechoso a dal basta duro den banda di pasahero di e auto di polis cu a blokia e trafico. Polis a tira riba un di e sospechosonan, un a fayece y e otro a keda herida. Ta desconoci si e sospechoso a muri di e impacto di e accidente of tira. A logra recupera dos arma di candela cu a keda confisca.

Comments

comments