Diabierna marduga den area di Dakota a surgi un problema unda un hyundai accent blanco cu varios hoben aden a presenta na un cas y causa destruccion na un auto y lo a saca un arma di candela y menasa e habitante.
E habitante a yama polis informa di e caso, un patruya atento cu a topa cu e auto a duna e chauffeur señal pa para pero esaki no kier a para pa polis y aki e oficialnan a start un persecucion y mas patruya a cuminsa dirigi p’e sitio.
Tur cos a cuminsa den Dakota, riba caminda di Venezuelastraat e pasahero a tira algo for di auto cu posiblemente lo tabata e arma di candela cu a usa pa menasa hende. Asina polisnan a core nan tras subi Driemaststraat core cayanan di Madiki Kavel y na Paradijswijk a changa e auto aki bou ordo di un sub fiscal pa dal e auto aki pa e para debi na e situacion di menasa cu arma di candela. Asina polisnan a bay di biaha riba e auto ya topa cu seis persona geprop den e auto a baha tur maske algun a purba resisti a mandanan vloer y tur a keda deteni y transporta pa warda di Polis. E auto a keda tuma den beslag.