E siguiente documento nos a ricibi di Sra. Blanca Orman, vocero di Taxistanan Uni, tocante derechonan di taxista segun decreto di Hof Europeo.
Riba 13 di januari 2015 EHRM (Europees Hof voor de Rechten van de Mens) a dicta sentencia den un caso interesante den caso di Vekony t. Hungaria. Den e caso aki EHRM ta di opinion cu’n vergunning ta un derecho di propiedad cu ta wordo proteha door di articulo 1 den e Prome Protocol di EHRM.
EHRM ta di dicta: “For the Court, it is hardly conceivable not to regard this license […] as a ‘possession’ for the purposes of Article 1 of Protocol No. 1.”. EHRM ta ripara cu e permiso ta activa e derecho di propiedad di articulo 1 EP EVRM. E linea di pensamento aki no ta nobo, door cu EHRM na 1989 ya caba a haya cu interesnan economico den e gestion di un empresa (explotacion di un permiso) tabata wordo considera como “propiedad” den sentido di e articulo 1 EP EVRM. E propiedad mester por wordo gestiona door di e doño (di e vergunning) sin interferencia innecesario di gobierno. Basa ariba e decision aki, cu ta aplicabel pa Aruba, por bisa cu e doño di e vergunning di taxi, den e caso aki, semper tabata wordo trata diferente door di gobierno di Aruba. Segun sentencia di Hof Europeo, e posesion di un permiso aki ta crea un derecho di propiedad. Cu e vergunning di taxi aki (propiedad), e persona involucre por a lanta un eenmanszaak. E caso aki ta cumpli cu e rekisito di un ciudadano ehemplar, cu ta cumpli cu tur su obligacionnan fiscal. Esaki ta e mesun manera na cual un eenmanszaak “normal” ta wordo dirigi. Lo ta inhusto e ora pa trata e permiso di taxista diferente cu e eenmanszaak di e snack truck, un tienda di souvenir, un carpinteria. E doño di e negoshi por dispone di su permiso, ya cu esaki ta su propiedad. Si e ta cumpli cu tur e obligacionnan y tambe cu cierto condicionnan, e no tin nada di teme y e por dispone di esaki, si e kier bende of verhuur of dispone di dje, na su conviniencia. Esaki lol mester ta e caso tambe cu e taxivergunning. E taxista na cual ta duna e vergunning, ta doño di su permiso, segun Artikel 1 Eerste Protocol di EVRM “Tur persona fisico of huridico tin derecho di dispone di su propiedad sin problema. No lo kita un propiedad for di niun hende, al menos cu ta di interes general y bou di condicionnan hancra den ley y den e principionan general di derecho internacional di un compania di taxi (eenmanszaak). Si e ta cumpli cu cierto condicionnan, orden public y salud, e lo no mester tin miedo di retiro di su permiso ni tampoco metemento di e minister den su asunto (= vergunning). Principio general ta hopi amplio; pero si mester ta duidelijk for di e argumentonan di e minister kico ta e principio general cu ta pisa asina hopi cu e lo mester hustifica su metemento den e derecho di propiedad di un doño di permiso. No por ta asina cu e minister, door di principionan general, ta tuma decisionnan incoherente. Violacion di orden public tin di haber di core auto bou influencia, trato inhusto di pasaheronan, violacionnan di ley di trafico y trece bida di pasahero y otro personanan den peliger.
Rasonnan medico por ta den un situacion unda cu e chauffeur no ta pasa e keuring, cu e no ta apto pa forma parti di trafico. P’esey ta recomendabel pa tur taxista cu e yega e edad di 65 aña, pa haci un evaluacion medico annual pa asina e ta ‘fit’ y ‘able’ pa forma parti di e trafico di un manera ‘safe’. Si esaki no ta e caso, e ora e lo por laga un otro persona core pe, a base di un acuerdo di huur of e por bende su vergunning. E huurdo/cumprado por ta un miembro di su famia, pero den todo caso e mester ta un persona cu a nace na Aruba. E persona aki, naturalmente, mescos cu tur otro chauffeur di taxi, mester cumpli cu cierto condicionnan, manera e habilidad pa papia Spaño y Ingles, por duna un carta di buena conducta, tin un auto gekeur door di DTI na su disposicion y tin un aspecto bon cuida. Si mester ta un exigencia cu e vergunning no ta wordo gehuur of bendi na un persona cu ya caba ta doña di un vergunning. Esaki ta pa sigura cu e vergunning di taxi ta den man di un persona huridico. E chauffeur tin derecho di ricibi e resultado di su evaluacion medico, hunto cu DTP y su dokter di cas.