REPUBLICA DOMINICANA – Dos periodista a wordo tira mata diamars, durante un transmision di radio en bibo diamars anochi. Un di e hombernan a manda e radioshow aki live via Facebook. Riba e imagennan por a scucha e tironan y un muhe na Spaño a grita den panico “tiro, tiro, tiro.” E fragmento cu por a mira riba YouTube a caba net na e momento ey.
E presentador Luis Manuel Medina y su productor Leo Martinez a fayece pa motibo di e tironan aki. Un muhe a keda herida y mester a wordo opera. Polis a gara tres hende homber, pero no tin un idea riba nan motibonan.
Fuente: De Telegraaf