MANAGUA, Nicaragua- E periodista Nicaraguense Angel Gahona a muri diasabra despues di a wordo alcansa pa un tiro den cabes. Esaki a sosode mientras cu e tabata cubriendo e protestanan pa e reforma di pension na Bluefields, en bibo. Segun medionan local, Gahona tabata traha pa e noticiero El Meridiano, y tabata realisando un transmission live pa Facebook, ora cu el a wordo alcansa pa un tiro.
Riba e imagennan fuerte cu ta circula ariba rednan social por wak e periodista informando di e dañonan causa pa e rond di protestanan, na momento cu diripiente, ta skucha un tiro y Gahona ta cay abao na suela, entre gritonan di e multitude.
Cruz Cora di Nicaragua a informa di cu el a constata seis morto durante e protestanan pa impactonan di arma di candela, si aunke e Comision Interamericano di Derechonan Humano (CIDH), un organo di e Organisacion di Estadonan Americano (OEA), a señala cu el a contabilisa al menos 10 morto den henter e pais.
E protestanan pa e reforma hubilatorio ta tumando luga na Nicaragua for di diaranson siman pasa. E ahustenan promoví pa e Instituto Nicaraguense di Siguridad Social (INSS) a stipula un aumento di e deduccionnan hubilatorio di e salarionan di e trahadonan hunto cu’n reducción di 5% riba pension, medidanan cu a genera un movimiento di rechaso entre e studianteann di e capital Nicaraguense.
President di Nicaragua a sigura di ta dispuesto pa dialoga ariba e paquete di reforma social. Den un discurso televisa, Ortega a declara cu su gobierno ta traha pa tene un reunion cu e sector priva pa asina yega na un consensus y logra pas den e pais.
#ÚltimaHora | Momento en el que asesinan al periodista Ángel Gahona mientras cubría las manifestaciones contra el régimen socialista de Daniel Ortega. Versiones periodísticas dan cuenta de presencia policial en la zona. (Video vía @100noticiasni) #21Abr #SOSNicaragua pic.twitter.com/UQP9Mls65H
— PanAm Post Español (@PanAmPost_es) April 22, 2018
Fuente: https://actualidad.rt.com/