Internacional: Journalista Mericano Grant Wahl edad di 49 aña a fayece na Qatar despues cu a colaps durante cu e tabata cubri copa mundial. El a collapse cubriendo e wega di Argentina cu Hulanda. Organisacion di Qatar copa mundial a bisa cu riba un diasabra Wahl a cay den area di prensa, unda cu el a ricibi trato medico na e stadion pa un 20-25 minuut prome cu el a wordo transporta pa Hamad General Hospital.
E fayecido di Wahl a trece tristesa den e mundo di futbol y tambe mundo di periodista, mientras un par di dia pasa Grant a wordo reconoci door di FIFA y tambe AIPS (The international sport press Association) pa su contribucion reportando 8 Copa Mundial. Presidente di FIFA Gianni Infantino a duna su palabra y tambe director di media Bryan Swanson tabata presente na e Hospital caminda cu Grant a wordo transporta riba e diadomingo pa brinda ofrecemento y suporte pa e famia y amigonan tambe y e periodista cu a compaña Grant na e copa mundial.