CARACAS, Venezuela- E periodista Luis Carlos Diaz a wordo deteni pa cuerponan di siguridad di Nicolas Maduro, cu desde cinc’or di atardi no tabata sa di su paradero.
Díaz, cu actualmente ta den El Helicoide, a denuncia cu na momento di su aresto el a wordo golpia pa funcionarionan di Estado.
Despues di e confirmacion di su detencion, hopi ta kre cu e regimen lo por vincula Diaz formalmente cu e teoria di un supuesto atake na e sistema electrico pa declaracionnan cu el a duna ariba e tema.
Su casa, Naky Soto, cu ta un pashent oncologico, a denuncia un entrada hudicial na su cas den oranan di marduga di diamars, 12 di maart.
Cuater patruya cu al menos 15 funcionario a drenta den su cas, unda cu nan a hiba computer, usb, celular, placa, etc.
Pa 11 or di mainta, Soto lo dirigi su mes na Ministerio Publico pa exigi e libertad di Diaz.