Periodista defensor di derechonan humano asesina

KABUL, Afganistan- Mena Mangal, un conocido defensor di e derechonan humano di e hende muhe den e pais, a wordo asesina den dia cla na Kabul, despues di denuncia di a ricibi menasanan di morto.
Autoridadnan policial di Afghanistan a confirma cu e prominente periodista Aghano Mena Mangal , ex presentado di television, activista di derechonan humano y consehero gubernamental, a wordo asesina diasabra na Kabul.
E ministerio di Interior Afghano a informa cu Mangal a wordo ataca den dia cla na rand di un mercado di e capital, door di dos homber riba un motocicleta cu a tire varios biaha. E asesinonan a huy di e luga.
Segun informacionnan, na momento di su asesinato, e muhe tabata sperando un vehiculo cu lo mester a hib’e su trabao como consehero cultural di e parlamento Afghano,. Polis lo ta na altura di ken lo por a manda mata e periodista.
Segun ultimo reporte di e Comite pa Proteccion di Periodistanan, Afghanistan ta e pais mas peligroso na mundo pa eherce e trabou di periodista.

Comments

comments