Diasabra mainta e tristo noticia a drenta cu for di Boneiro un gran amigo colega den mundo di prensa sr. Zamir Ayubi a perde e bataya contra corona virus. E tin un siman caba interna den hospital na Boneiro despues cu el a keda diagnostica cu corona.
Su salud a empeora algun dia y a drenta den ICU. E situacion di salud a bira mas delicado diabierna pa diasabra marduga unda a cuminsa yama famia. Pa 10:28 mainta Zamir a bay sosega.
Zamir ta un periodista conoci pa Aruba, Boneiro y Curacao. For di aña ‘90 e ta envolvi den radio difusion. E tabata director di 91.1 digital Fm. Zamir ta un persona cu a traha pa amor pa e pueblo di Boneiro, semper cu wowo critico pero tambe cu critica constructivo pa wak miho pa Boneiro. Zamir a traha na varios radio emisora cu noticia y hasta programa di pasco y otro programanan.
Su ruman homber Aimed ta propetario di Life 99 fm. Ultimo Zamir tabata transmiti online riba Chill 91. Tambe Zamir a traha cu NOS tv Bonaire.
Palabra di profundo condolencia na famia di Zamir.