Presidente di Parlamento, drs. Mervin Wyatt-Ras ta relata cu recientement sr. Benjamin Romero a haci entrega di su buki titular “E negoshi di koffie na Aruba”. Durante entrega di e buki sr. Romero a trece diferente anecdota padilanti. Manera e ta indica sin cu na Aruba a planta un simiya nos tabata un exportador grandi di koffie den añanan 70. Wyatt-Ras mes a conoce un di e comerciantenan menciona den e buki, don Julio Croes, kende hunto cu su kerida esposa tabata bon hende. El a sinti’e honra di por a ricibi e buki y ta haya importante pa nos hendenan por conoce nos historia. E mes ta encanta bebe un kopi koffie y nunca no por a imagina con grandi Aruba tabata den exportacion di dicho producto. Wyatt-Ras a constata cu sr. Romero ta skirbi cu gracia y ta desea hopi exito pa futuro pa e por skirbi mas buki.