MECCA, Saudi Arabia — Cerca di 2 miyon di persona for di rond di mundo a cuminsa haci e prome ritonan di e peregrinacion di hajj diasabra, cu ta haci un yamada pa drenta den un estado di puresa fisico y spiritual y circula e Kaaba cu nan palma ariba den suplica y oracion.
Notablemente ausente e aña aki ta e peregrinonan Irani. Aña pasa, mas of menos 64 mil Irani a tuma parti di e hajj, pero disputanan cu e gobierno Saudi a haci cu Tehran a prohibi su ciudadanonan pa forma parti e aña aki.
Saudi Arabia ta culpa oficialnan Irani pa e decision y ta sugeri cu e tabata politicamente motiva pa pone presion publicamente riba e reino. Iran ta bisa cu e “incompetencia” Saudi a causa un aplastamento y stampida durante e hajj di aña pasa, matando mas di 460 di su ciudadanonan. Riba diabierna, miles di Irani a marcha den e cayanan di Tehran y otro ciudadnan Irani pa protesta Saudi Arabia, cantando alabansa contra e lidernan di e reino Sunni despues di oracionnan di merdia.
Hajj ta un di e peregrinacionnan di mas grandi di mundo. E ta yama e fiel pa e ciudad santo di Mecca y areanan rond di dje pa cinco dia intensivo di ritual y oracion enfocando riba kita picanan di pasado y yama e Musulman mas cerca di Dios. E peregrinacion ta rekeri pa tur Musulman pa haci esaki por lo menos un biaha den nan bida.
Pa cuminsa cu e hajj, cientos di miles di peregrino ta circula e Kaaba den e Grand Mosque di Mecca. Un señal di humildad y igualdad dilanti di Dios, e peregrinonan ta kita e simbolonan di materialismo, drentando den un estado di “ihram.” Muhenan ta abstene di tur makiyahe y perume y ta bisti pañanan los y ta cubri nan cabes, mientras cu hombernan ta bisti bestimentanan blanco sin ta cosi.
Desde cu yega na Mecca durante e ultimo simannan, cientos di miles a canta “Labayk Allahuma Labayk,” of “Atami ki, Dios, contestando bo yamada. Atami ki.”
Mientras cu ta sigui un ruta cu e Profeta Muhammad a yega di cana, e ritonan di hajj supuestamente ta pa sigui ultimadamente e pasonan di e profetanan Ibrahim y Ismail, of Abraham y Ishmael, manera cu nan ta wordo yama den Bijbel.
E Ministerio di Interior ta bisa cu mas di 1.3 miyon di persona for di 160 diferente pais a yega reino pa forma parti di e hajj e aña aki.
Mayoria di e peregrinonan ta pasa nan atardi pafo di Mecca den un valle yama Mina, cu ta alberga mas di 160 mil tent. Nan a bay na un area yama Arafat diadomingo pa e cumbre di e peregrinacion, un dia emocional di arepentimento y suplica.
Pa prome biaha den mas cu tres decada, e clero principal Saudi lo no a duna su prestigioso sermon di hajji riba diabomingo di e aña aki.
E corant Al-Riyad a reporta diasabra cu e Gran Mufti Sheikh Abdulaziz Al Sheikh, kende a bin ta duna su sermon, desde 1981, lo a wordo reemplasa pa Sheikh Saleh bin Hamid.
Hamid previamente a sirbi com presidente di e Conseho Shura y a wordo apunta na e Conseho Supremo Hudicial prome cu sirbi como consehero real. E corant no a duna un rason pa e cambio. E mufti a lanta controversia e siman aki ora cu, como respuesta na e criticanan Irani, el a wordo cita bisando cu e lidernan Shiita Irani, “no ta Musulman.”
Fuente: http://www.statesman.com/