Peregrinacion riba Bierna Santo saliendo for di Residencia Lee

Sr. Atan Lee kier invita tur fielnan pa e peregrinacion cu ta sali for di su residencia na Tanki Leendert pa 4:45’or di marduga pa Kapel di Alto Vista.
Ta un alegria grandi di wak con fielnan Catolico ta cumpliendo cu nan Fe, durante henter Cuaresma, specialmente Semana Santo. Fielnan ta ser pidi pa sigui cumpli durante henter siman Santo.
Danki na Kofung Hoo di High Performance lo bay tin ekipo di zonido p’asina por resa y canta. Lo cana cu tur respet y devocion p’asina tur fielnan por medita y reflexiona ariba e gran y importante dia aki.
Lo resa pa paz den famianan, pa Aruba, pa tur paisnan na unda tin guera, specialmente pa Venezuela. Tambe pa nos hobennan p’asina nan realisa cu e caminda di Señor ta e caminda di salbacion.
Ta corda tur fielnan pa bin cu un flashlight chikito y tambe cu Misal di Pueblo.
Nos lo resa tambe pa tur intencionnan di tur esunnan cu lo ta participando na e peregrinacion.

Comments

comments