Minister di Asuntonan Social, sr. Glenbert Croes, ta elabora tocante e plannan cu tin p’e parti laboral.
Segun e Minister, mester percura pa personanan local haya oportunidad pa haya trabou. E ta mustra riba un situacion unda cu un cliente di empresa a haci un peticion pa haya un trahado stranhero, pasobra e trahado cu Departamento di Progreso Laboral (DPL) a manda tabata “overqualified”, cual den e Minister su opinion ta haya inaceptabel y por lo tanto e peticion ta wordo rechasa. E politica di e Gobierno actual, segun e Minister, ta cu si tin trahado local pa haci e trabou, e cliente di empresa no ta haya permiso pa trece un trahado stranhero. Pero solamente si no tin hende pa haci trabou y e cliente di empresa haya permiso pa trece trahado stranhero, esaki lo wordo controla.
Segun Minister Croes, e maneho cu Gobierno actual ta hibando ta uno di cooperacion cu comercio y trahadonan local mester haya preferencia pa cu e desaroyo di Aruba.