Coleganan cu tabata cay bou di Guardian Group cu a baha cu pensioen, ora di cobra a haya solamente 250 florin. Sr. Diego de Cuba di STA ta bisa cu mishi un hende cu pensioen di NV di gobierno ta cobra asina poco.
Vooral den caso di Triple A NV, a papia cu minister Dangui Oduber riab cu esaki, a papia cu minister di Labor tambe ariba e situacion aki, ya cu e mester sa kico ta pasando ariba tereno laboral. Pa loke ta Post NV a trata cu minister Romero ariba esaki.
Tin hopi cos cu hendenan no ta compronde, cada florin cu hinca den fondo di Pension, un 20 pa 25% ta bay pa gastonan adminsitratitvo. Y ora cu bay den fondo di pension ta bisa cu e tin un rendimento di tur aña di 4%. Loke no ta bisa cu e 4% no ta ariba e florin, pero ariba e 75%. SI e tabata ariba e florin, lo a haya 1,04. Pero si e ta riba e 75ct, e pensionado a keda bou di e norma. E ta pone 1 florin y e ta haya menos di esey. E sistema aki, mas tristo ta cu nan ta haci negoshi cu e placa di e trahado. Ta investeer tur caminda, pero e placa grandi mes, e participantenan no ta mir’e manera debe ser. Esey ta conta pa APFA tambe. Eyden tambe mester bin un reestructuración. Mester bay analisa kico ta pasando precisamente den APFA. Tin hopi hende cu lo keda asombra di esaki. Pasobra segun Sr. de Cuba, den APFA a bin compronde cu tin hende cu ta gana 25 pa 30 mil florin pa luna. Pakico e trahado mester paga asina hopi na e directiva? Algo no ta klop. Aki ta caminda cu sindicato lo bira mas agresivo ariba e parti aki. Y gobierno tambe lo haci bastante pregunta, y mayoria trahadona di gobierno ta hinca den APFA dus gobierno tin derecho di cuestiona e situacion den APFA, y STA ta spera cu bin un cambio pa miho.
Segun Sr. de Cuba, e no ta experto ariba tereno di pension pero e tin hende cu si ta experto ariba e asunto aki. Ta di lamenta loke APFA a haci cu Sr. Ramsey Acosta, cu sa y cu conoce e materia, pero ora el a cuminsa trapa ariba tenchi, nana core cun’e. E mas tristo ta cu nan a hib’e corte y nan a haya rason tambe. Huesnan na Aruba ta impredecibel. Pero Sr. Acosta ta bringando, cu tur su rason, ta bringado su caso.
Segun Sr. de Cuba, e sa basta hopi di pensioen, pero e no ta experto. Den casonan asina mester hende cu hopi experticio cu por profundisa nan mes den e materia, pa saca afo unda cosnan a bay robes. Y aki ta caminda STA a bisa cu mester bin mas control ariba e pais aki cu yama Aruba.