Dialuna ultimo, dia 27 di Maart Pension Fund Tourism Sector Aruba (PFTSA), a cumpli 25 aña di existencia y a celebra esaki na Aruba Surfside Marina.
Invitadonan a wordo ricibi door di e miembronan di e board riba un blue carpet.
Tambe nan a haya e oportunidad pa saca potret y ricibi un welcome drink.
Durante e celebracion, personanan grandi di PFTSA, manera Co founder Anselmo Pontilius, Co founder Minister Angel Bermudez, Chairman Glenn Farro como tambe Vice Presidente di Parlamento Rene “Baba” Herde tabata presente y a hiba palabra.
En total 10 miembro a wordo elogia riba e anochi aki pa nan dedicacion y contribucion cu PFTSA durante e aña nan y a ricibi un bunita plakkaat pa nan esfuerso. Esnan reconoci tabata lo siguiente: Ben Marapin, Anselmo Pontilius, Ed Malone, Minister Angel Bermudez, Jossy Lacle, John Merryweather, Willie Kremer, Harold Malmberg, Rory Arends y Rene Sommer.
Durante di e evento a tuma tempo pa pasa un documentario cortico den cual diferente persona cu tabata / ta ainda afilia cu PFTSA, a duna palabra tocante e fondo.
Directora Sanaa Baroud a cera e anochi cu un discurso emocional, dunando danki na tur personanan cu a contribui na e exito di PFTSA durante 25 aña di existencia.