MANILA, Filipina- Decena di Filipinonan diamars a protagonisa un peculiar protesta na Manila unda cu nan tabata lastra crusnan di palo pa critica e “guera contra di droga” di e president Filipino, Rodrigo Duterte, cu a laga mas di 7 mil morto, segun calculonan.
E penitenteann y otro centenar di manifestantenan riba e avenida Mendiola, den pleno centro historico, tabata canta canticanan contra di e hefe di estado, mientras cu riba e crusnan tabata figura e frase “Ehecucionnan extrahudicial”, refiriendo na e morto di sospechosonan di e campaña antidroga.
E protesta, cu ta imita un di e procesion di Siman Santo cu lo tuma luga den e proximo dianan di Iglesia Catolico, na cabes di e procesion cu’n auto disfrasa di trein cu ta representa Duterte como un “demoño” cu djentenan skerpi.
E penitentenan ta acusa e presidente di mata e hendenan mas pober y vulnerabel cu su “guera contra di droga”, algo cu Iglesia Catolico di Filipina a bin ta denuncia desde cu e campaña sangriento a cuminsa na juni 2016.
Diamars mainta e cardenal di Manila, Luis Antonio Tagle, den un homilia a critica e “arogancia y falta di humildad” di e lidernan di e pais, sin menciona nomber. El a acusa nan tambe di “uza e violencia, e armanan y e intimidacion sin compronde e debilnan ni tampoco ta identificanan mes cu nan”.
Fuente: https://www.efe.com
E guera di Duterte contra di droga, ora cu el a asumi poder na juni 2016, a causa mas di 4 mil morto, segun e ultimo datonan oficial. Aunke al menos 3 mil morto ta wordo atribui na e patruyahenan den bario, e mayoria den e prome lunanan di e campaña.
E campaña aki, unda cu agentenan di polis tin ordo di tira un sospechoso mata si e resisti, a gosa di un apoyo cerca di 90% entre e Filipinonan, segun e ultimo encuestanan, a pesar di e oposicion di Iglesia y di numeroso ONG-nan di defensa di derechonan humano.