BOSTON/ORANJESTAD- E beisbolista Arubano Xander Bogaerts hunto cu su ekipo Boston Red Sox ta gana e American League Championship y asina lo hunga den e World Series. Xander na mas di un ocasion tambe a forma parti di Team Kingdom of the Netherlands.
Red Sox ta gana 4-1 den e best out of seven den e playoff di Mayor League Baseball. Esaki ta di diescuater biaha cu Boston ta yega World Series. E ultimo biaha tabata na 2013.
ISLANAN ABC
Bogaerts, shortstop di Boston Red Sox, den e World Series lo enfrenta un compañero di e ekipo di Team Kingdom of the Netherlands. Kenley Jansen, naci na Corsou hunto cu Los Angeles Dodgers tin mester di un triunfo mas pa asina sigura nan pase pa World Series. Pero si Milwaukee Brewers gana, e lo topa cu’n otro compañero di Team Kingdom, den e caso aki Jonathan Schoop, tambe di Corsou.
Esaki sigur ta haci World Series mas special e aña aki, mirando cu e aña aki lo tin 2 hungado di Caribe Hulandes den e serie. Esaki sigur ta algo unico cu ta haci e serie mas interesante ainda pa e fanaticonan di tanto Aruba como di Corsou.
E temporada aki tabata un di e mihonan pa Xander Bogaerts, caminda cu den varios wega su presentación tabata crucial pa sigura e victoria di su ekipo.