Diasabra algo prome cu 9:30 mainta den Jansteenstraat banda di Santo Domingo bar na San Nicolas a surgi un pelea formal cu tiramento. Polisnan a mobilisa pa e sitio di biaha y den area di Van Galenstraat 3 hende homber tabata bringa formal, patruyanan a bay na e sitio pero no a hayanada y segun testigonan un autobus shinishi cu dos homber aden lo tabata envolvi. Pa 9:51 am patruya a para e bus B-120 cu ta cuadra cu e descripcion den Rembrandtstraat unda un homber a sali na careda y aki e oficialnan a start persecucion na pia. Den Caya St Maarten a detene e sospechoso cu un arma di candela carga den su poder. Total mas di 4 persona a keda deteni.