Diaranson algo prome cu 12’or di media diferente unidad di polis a yega na un cas na Wayaca pa un problema familiar cu a sali for di man.
Paden tabatin un discusion entre dos miembro di famia, tanto un hende homber y un muhe, unda cu cos a sali for di man pasobra e discusion a bira demasiado fuerte. Por a tuma nota cu practicamente tur e bentananan di e cas ta destrui y paden tambe tin varios cos kibra.
E prome patruya y recherche cu a yega y polisnan a core bay paden, unda a bin topa cu un dama herida. A pidi ambulance na e sitio y transportwagen ya cu a detene e supuesto agresor eybou mes.
Rapid responder a presenta di biaha y a atende cu tanto e homber cu herida na su man y e dama y a dicidi cu no tin necesidad pa transporta ningun persona pa hospital.
Por a tuma nota tambe di polisnan tecnico cu mesora a saca potret di destruccion cometi na e cas y lesionnan di e damita.
Departamento tecnico di Polis a presenta na e sitio pa saca evidencia di tur loke a keda destrui na e cas.