Diadomingo pasa di 8:40 anochi na un cas na San Barbola a surgi un problema di famia cu a bay for di man unda dos homber tabata bringando cu otro dilanti mucha. Habitantenan a scucha e desordo tambe a raporta na polis pidiendo asistencia cu urgencia.
Varios unidad policial a acudi na e sitio y a baha na e cas pa atende cu e situacion y topa cu un di e hombernan tur na santo. Den e pelea aki e hombernan lo a choca otro y a spanta tur esnan cu tabata den e cas. Polis a logra haci detencion di e persona mas grandi esun cu a busca e problema y e otro a keda manda den cas. Transport a presenta despues y a bay cu e homber pa warda di polis.