Central di Polis ta manda patruya di Oranjestad pa Avenida Milio Croes caminda tin un bringamento formal. Patruya tabatin dificultad pa haya e parcela pero despues di un rato a bin haya esaki cu a resulta di ta un zijstraat di santo net caminda tin un garashi di auto. Dos patruya a presenta na e sitio y a bin solicita pa ambulans pasobra un di e bringadonan tabata herida. Segun nos a compronde e agresor lo a dal e victima cu baranca den cabez. Ambulans tambe tabatin dificultad pa haya e adres pero finalmente a yega y a trata e herido na e sitio mes. Mientrastanto e agresor a wordo deteni y a keda encarcela. No ta conoci kico tabata e motibo di e bringamento aki.