Willemstad Curacao: Diabierna durante dia outoridatnan a bai na vários okashon na SDK situá na kaminda Andrew Jones, pa atendé ku muchanan ku ta bringa i/òf tabata kana buska problema. Mainta a gara un mucha menor di edat ku kuchú i mester a atendé ku su mayornan serio riba esaki.
Atardi tambe vários unidat di polis mester a bai pa atendé ku bringamentu. Aki a para un vehíkulo pa kontrolá i mirando ku esaki no tin papel a pidi kran yega e sitio pa konfiská esaki.
Nos a kompronde ku tur aña di nobo hóbennan ta bai un plan di vakashon na SDK i despues di aktividat di un manera òf otro tin problema entre e hóbennan. Awe atrobe esaki a mustra ta e kaso.
Polisnan tin atenshon pa e kasonan aki.
